Sulmet ajrore izraelite sot goditën periferitë jugore të kryeqytetit libanez Bejrut, sipas agjencisë shtetërore të lajmeve të Libanit NNA, transmeton Anadolu.

Dy sulmet ajrore izraelite shënjestruan zonën e njohur gjerësisht si fortesa e Hezbollahut në periferitë jugore të kryeqytetit, sipas NNA.

Ushtria izraelite tha se filloi të kryente sulme në Bejrut, duke pretenduar se sulmet kishin në shënjestër infrastrukturën që i përkiste Hezbollahut. Më herët sot, Hezbollahu tha se forcat izraelite u tërhoqën pas përleshjeve me luftëtarët e saj në jug të Libanit.

Hezbollahu tha se kishte në shënjestër vendndodhjet ushtarake izraelite në veri të Izraelit me një tufë dronësh.

Grupi thekson se ka goditur bazën "Ein Zeitim" në veri të Safed-it me dronë ndërsa kishte në shënjestër kompleksin e industrisë ushtarake "Rafael" në jug të qytetit Acre duke përdorur dronë sulmi.

Situata u përshkallëzua në Liban të hënën pasi Hezbollahu shënjestroi një vendndodhje ushtarake në veri të Izraelit me raketa dhe dronë në përgjigje të sulmeve ajrore të vazhdueshme izraelite dhe vrasjes së Khameneit.