Siri, 13 civilë të vdekur në operacionin e forcave të koalicionit dhe YPG/PKK
Burimet lokale theksojnë se forcat e koalicionit dhe aleatët e saj YPG/PKK, të cilat paraqiten si SDF, gjatë mbrëmjes kryen operacion ajror në kërkim të terroristëve te DEASH-it
Ankara
Gjatë një operacioni të forcave të koalicionit të kryesuara nga SHBA-të dhe pjesëtarëve të organizatës terroriste YPG/PKK që përdor emrin SDF, në Deir ez-Zor të Sirisë kanë humbur jetën 13 civilë, raporton Anadolu Agency (AA).
Burimet lokale theksojnë se forcat e koalicionit dhe aleatët e saj YPG/PKK, të cilat paraqiten si SDF, gjatë mbrëmjes kryen operacion ajror në kërkim të terroristëve të DEASH-it.
Helikopterët amerikanë ateruan në Tikhi, ndërsa pjesëtarët e YPG/PKK-së hapën zjarr në disa objekte, ndërsa në njërin prej tyre ndodheshin edhe terroristë të DEASH-it. Përveç terroristëve, kanë humbur jetën edhe 13 civilë.
SHBA-të ende nuk kanë lëshuar njoftim zyrtar.
Rrjeti Sirian për të Drejtat e Njeriut (SNHR) më 20 mars njoftoi se në intervenimin e forcave të koalicionit në krye me SHBA-të që nga shtatori i vitit 2014 kanë humbur jetën 3.035 civilë, nga të cilët 924 të mitur dhe 656 gra.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.