OAKLAND (AA) – Dhjetëra mijëra amerikanë mbrëmë dolën në rrugët e shumë qyteteve duke shprehur pakënaqësinë e tyre ndaj Donald Trump, presidentin e sapozgjedhur amerikan, raporton Anadolu Agency (AA). 

Disa protestues bllokuan rrugën më frekuentuese në Los Angeles që lidh qendrën e qytetit me Hollywood-in. Protesta zgjati me orë ndërsa në këtë kohë automjetet nuk qarkullonin.

Në shumicën e pankartave shkruante “Trump nuk është presidenti im” dhe “Shpëtoni emigrantët, deportone Trump”. Protestuesit filluan të shpërndahen kur policia filloi aksionin e arrestimit, ndonëse nuk u regjistrua dhunë. 

Protesta u organizuan edhe në qendër të New York-ut ku u arrestuan katër persona. 

Policia njoftoi se në rrugë dolën 5.000 njerëz. Një numër i madh qytetarësh dolën edhe në rrugët e qyteteve Chicago, Boston, San Francisco, Seattle, Portland dhe Washington. 

Tubime të vogla pati edhe në St. Paul, Minnesota, Richmond, Virgini, Omaha, Nebraska dhe Austin. Policia në Oakland mbrëmë bllokoi mijëra qytetarë që u mblodhën në qendër të qytetit.

Sipas pohimeve të mediave të atjeshme, në protestën kundër Trump morën pjesë 6.000 njerëz. Në fund të natës dy grupe të demonstrantëve ndezën zjarr në rrugë.