SHBA, kandidati demokrat Sanders tërhiqet nga gara presidenciale
Me tërheqjen e Sanders nga gara, Joe Biden, ish-nënpresidenti amerikan, ngelet kandidati i vetëm në front në radhët e Demokratëve
Washington
Kandidati për t'u nominuar në garën për presidentin e SHBA-së nga radhët e Demokratëve këtë vit, Bernie Sanders, njoftoi se ka pezulluar fushatën zgjedhore, transmeton Anadolu Agency (AA).
Siç njoftoi ekipi i fushatës së Sanders, ai këtë mëngjes ka zhvilluar një takim përmes telekonferencës me ekipin, ku ka njoftuar se ka vendosur të pezullojë fushatën që ka zhvilluar për zgjedhjet presidenciale të 3 nëntorit.
Me tërheqjen e Sanders nga gara, Joe Biden, ish-nënpresidenti amerikan, ngelet kandidati i vetëm në front në radhët e Demokratëve.
Partitë do t'i shpalosin kandidatët e tyre në kongreset që do të mbahen në muajin gusht.
Presidenti aktual Donald Trump është kandidati zyrtar edhe për zgjedhjet presidenciale të këtij viti nga Partia Republikane.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.