SHBA-ja kryen sulm kundër "anijes së trafikimit të drogës" në brigjet e Venezuelës, 4 të vrarë
Anija po transportonte “sasi të konsiderueshme narkotikësh – të drejtuara për në Amerikë për të helmuar popullin tonë”, tha shefi amerikan i mbrojtjes, Pete Hegseth.
Washington
SHBA-ja kreu sot një sulm ndaj “një anijeje trafikimi narkotikësh” në brigjet e Venezuelës, tha shefi i Pentagonit Pete Hegseth, transmeton Anadolu.
“Më herët këtë mëngjes, me urdhër të presidentit (Donald) Trump, udhëzova një sulm vdekjeprurës kinetik ndaj një anijeje trafikimi narkotikësh të lidhur me Organizatat e Caktuara Terroriste në zonën e përgjegjësisë së USSOUTHCOM-it (Komanda Jugore e SHBA-së)”, tha Hegseth në rrjetin social amerikan X.
“Katër narkoterroristë meshkuj në bordin e anijes u vranë në sulm dhe asnjë forcë amerikane nuk u lëndua në operacion”, shtoi ai.
Sulmi u krye në ujërat ndërkombëtare pranë brigjeve të Venezuelës, ndërsa anija po transportonte “sasi të konsiderueshme narkotikësh – të drejtuara për në Amerikë për të helmuar popullin tonë”, tha shefi amerikan i mbrojtjes.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=http://v.aa.com.tr/3706930&p[images][0]=https://cdnuploads.aa.com.tr/uploads/Contents/2025/10/03/thumbs_b_c_54fe10c802be5112b9b9ab7ff881c566.jpg?v=205313&p[title]=SHBA-ja kryen sulm kundër "anijes së trafikimit të drogës" në brigjet e Venezuelës, 4 të vrarë&p[summary]=Anija po transportonte “sasi të konsiderueshme narkotikësh – të drejtuara për në Amerikë për të helmuar popullin tonë”, tha shefi amerikan i mbrojtjes, Pete Hegseth.){kind=link}