Bota

SHBA dënon legjislacionin e propozuar të Kinës për Hong Kongun

Pompeo i kërkon Pekinit të rishqyrtojë veprimin e tij të "njëanshëm dhe arbitrar"

Vakkas Doğantekin   | 22.05.2020
SHBA dënon legjislacionin e propozuar të Kinës për Hong Kongun

Ankara

Sekretari amerikan i Shtetit, Mike Pompeo, të premten kundërshtoi legjislacionin e propozuar të Kinës për sigurinë kombëtare në Hong Kong, duke e quajtur atë "të njëanshëm dhe arbitrar", raporton Anadolu Agency (AA).

"Shtetet e Bashkuara e dënojnë propozimin e Republikës Popullore të Kinës për të imponuar legjislacionin e sigurisë kombëtare në Hong Kong duke kërkuar nga Pekini të rishqyrtojë vendimin. Ne qëndrojmë me popullin e Hong Kongut", shkroi në Twitter Pompeo, duke bërë gjithashtu një deklaratë për këtë çështje.

Kina më herët të premten solli për miratim një ligj të ri të sigurisë kombëtare për Hong Kongun "e pambrojtur" për të "mbrojtur" sigurinë kombëtare.

Nënkryetari i Komitetit të Përhershëm të Kongresit Popullor të Kinës, Wang Chen tha: "Rreziqet gjithnjë e më të dukshme të sigurisë kombëtare në HKSAR (Hong Kongu-Rajoni i Administratës Speciale) janë bërë një problem i dukshëm".

Pompeo në deklaratën e tij tha se "propozimi katastrofik" duhet të rishqyrtohet nga Kina për "të respektuar detyrimet e saj ndërkombëtare".

Nëse nuk është ky rast, statusi i tij i veçantë mund të rishqyrtohet sipas ligjit amerikan, shtoi ai.

"Shtetet e Bashkuara e kërkojnë me forcë nga Pekini që të rishqyrtojë propozimin e tij katastrofik, të respektojë detyrimet e tij ndërkombëtare dhe të respektojë shkallën e lartë të autonomisë së Hong Kongut, institucionet demokratike dhe liritë civile, të cilat janë çelësi për të ruajtur statusine tij të veçantë sipas ligjit të SHBA-së", tha Pompeo.

Duke iu referuar protestave një vjeçare kundër qeverisë lokale, Wang tha se aktivitete të tilla kanë "sfiduar seriozisht në vijën e fundit të parimit të një vendi me dy sisteme, kanë dëmtuar sundimin e ligjit dhe kanë kërcënuar sovranitetin kombëtar, sigurinë dhe interesat e zhvillimit", sipas raportimit të Xinhua.

Por Wang gjithashtu tha se "një vend, dy sisteme" kishin arritur "sukses të pashembullt" në Hong Kong qysh prej vitit 1997 kur Mbretëria e Bashkuar ia dorëzoi rajonin Pekinit.

Hong Kongu, një rajon autonom nën Kinën që nga viti 1997, ishte përfshirë nga protestat që nga fillimi i vitit 2019 kundër lëvizjes së administratës Carrie Lam për legalizimin e ekstradimit në territorin e Kinës.

Projekt-ligji është hequr, por demonstratat në rrugë shkaktuan probleme, ku vëzhguesit financiarë ndërkombëtarë shprehnin shqetësime për perspektivat ekonomike të qendrës së biznesit.

"Duhet të merren masa të bazuara në ligj dhe të fuqishme për të parandaluar, ndaluar dhe ndëshkuar aktivitete të tilla", tha Wang, duke përmendur nenin 23 të Ligjit Themelor të Hong Kongut, i cili e mban Hong Kongun përgjegjës që "të ndalojë çdo veprim tradhtie, shkëputjeje, rrëzimi dhe përmbysje kundër Qeverisë Qendrore Popullore (CPG) ".

"Më shumë se 20 vjet pas kthimit të Hong Kongut, megjithatë, ligjet përkatëse ende nuk janë materializuar për shkak të sabotimit dhe pengimeve nga ata që përpiqen të mbjellin telashe në Hong Kong dhe Kinë në përgjithësi, si dhe forca armiqësore të jashtme", tha Wang.

Ai shtoi: "Duhet të bëhen përpjekje në nivel shtetëror për të vendosur dhe përmirësuar sistemin ligjor dhe mekanizmat e zbatimit, duke avancuar ndërtesat institucionale për të ruajtur sigurinë kombëtare në bazë të Kushtetutës së Kinës dhe Ligjit Themelor të Hong Kongut." 


Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.