Ngjyrat e vjeshtës në Kashmir po arrijnë kulmin e tyre, me pemët dekorative "Chinar" që ndryshojnë ngjyrat e tyre teksa dita po shkurtohet, duke treguar afrimin e stinës së dimrit, raporton Anadolu.

Banorët dhe vizitorët bëjnë fotografi të kopshteve dhe parqeve të mbuluar me pemë me ngjyra të vjeshtës në qytetin Srinagar të administruar nga India në Xhamu dhe Kashmir.

Vjeshta në Kashmir është e njohur për peizazhet e saj mahnitëse dhe veçanërisht pemët "Chinar", që janë simbol i rajonit.

Përveç bukurisë natyrore, ky sezon paralajmëron edhe fillimin e temperaturave më të ulëta dhe përgatitjet për dimrin e ashpër që është karakteristik për këtë rajon malor.