Përderisa afrohet Kurban Bajrami, larja e deleve dhe deshëve të kurbanit në oqean në të gjithë Senegalin bie në sy si një nga elementët më mbresëlënës të përgatitjeve për festën, raporton Anadolu.

E njohur në gjuhën lokale si "Tabaski", larja e deleve të kurbanit para se të shiten ose t'u dorëzohen pronarëve të tyre, konsiderohet si një nga traditat më të rëndësishme të kurbanit para Kurban Bajramit.

Procesi i larjes në zonat e brendshme bëhet me kova ndërsa në qytetet bregdetare delet dërgohen në brigjet e Oqeanit Atlantik.

Ky proces larjeje, i bërë në përgjithësi nga fëmijë ose të rinj, bëhet skenë e pamjeve shumëngjyrëshe.