Zyra e Prokurorit të Përgjithshëm në Rusi ka vendosur ta shpallë Universitetin Yale në SHBA si një "institucion të padëshirueshëm" me arsyetimin se diskrediton administratën ruse, transmeton Anadolu.

Në një deklaratë të bërë nga shërbimi për shtyp i Zyrës së Prokurorit të Përgjithshëm, thuhet se Universiteti Yale me seli në SHBA përfitoi nga fondet e ndara për të diskredituar administratën ruse.

Në deklaratë pretendohet se trajnimi mbi demonstratat u dha në një qendër të lidhur me universitetin dhe se u zhvilluan aktivitete që synonin përçarjen e Rusisë.

"Zyra e Prokurorit të Përgjithshëm i konsideroi aktivitetet arsimore të Universitetit Yale si 'të padëshirueshme'", thuhet në deklaratë.