Kremlini tha se shpresojnë që raundi i ardhshëm i bisedimeve të rinovuara të paqes Rusi-Ukrainë të zhvillohet këtë javë, transmeton Anadolu.

"Shpresojmë që bisedimet të zhvillohen këtë javë. Sapo të jemi gati, do të bëjmë një njoftim në lidhje me kohën", tha zëdhënësi i Kremlinit, Dmitry Peskov, gjatë një konference për shtyp.

Duke u shprehur se pala ruse nuk pret "përparime të llojit të mrekullueshëm" në bisedime, Peskov argumentoi se një zgjidhje në Ukrainë është "shumë komplekse" saqë marrëveshjet e arritura për shkëmbimin e të burgosurve janë "tashmë një rezultat".

"Nuk do të vlerësoja fare afatet kohore të mundshme (për arritjen e një zgjidhjeje në Ukrainë). Varet nga shumë faktorë dhe çdo parashikim tani do të ishte i gabuar", shtoi Peskov.

Komentet e tij erdhën pasi Presidenti ukrainas, Volodymyr Zelenskyy, njoftoi të hënën në mbrëmje se një raund i ri bisedimesh paqeje midis Kievit dhe Moskës do të mbahet në Turqi të mërkurën.

Deri më tani, dy raunde bisedimesh të drejtpërdrejta paqeje midis Rusisë dhe Ukrainës janë mbajtur në Stamboll më 16 maj dhe 2 qershor.

Në bisedimet e fundit, të dyja palët ranë dakord të shkëmbejnë të burgosur shtesë duke i dhënë përparësi më të rinjve dhe më të plagosurve rëndë dhe të kthejnë trupat e 6.000 ushtarëve nga secila palë.