Të paktën 54.418 palestinezë janë vrarë në luftën gjenocidale të Izraelit që nga tetori i vitit 2023, tha Ministria e Shëndetësisë në Gaza, transmeton Anadolu.

Në një deklaratë, Ministria tha se 37 trupa u sollën në spitale në 24 orët e fundit, ndërsa 136 persona u plagosën, duke e çuar numrin e të plagosurve në 124.190.

Shumë viktima janë ende të bllokuara nën rrënoja dhe në rrugë pasi ekipet e shpëtimit nuk janë në gjendje t’i arrijnë, shtoi ajo.

Izraeli rifilloi sulmet e tij në Rripin e Gazës më 18 mars, duke braktisur një armëpushim dhe marrëveshje shkëmbimi të të burgosurve që hyri në fuqi në janar.

Ndërsa bombardimet e pamëshirshme dhe vdekjeprurëse intensifikohen në Gaza, familjet po vuajnë nga uria dhe po u mohohen mjetet themelore të mbijetesës, sipas OKB-së dhe agjencive të ndihmës.

Nëntorin e kaluar, Gjykata Ndërkombëtare Penale lëshoi ​​urdhra arresti për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli përballet gjithashtu me një padi për gjenocid në Gjykatën Ndërkombëtare të Drejtësisë për luftën e tij në enklavën palestineze.