Rritet në 15 numri i të vdekurve nga sulmi i DEASH-it në Irak
Militantët e DEASH-it kanë sulmuar fshatin al-Rashad në provincën Diyala me snajper dhe mitralozë të martën në mbrëmje
Bagdad
Numri i të vdekurve nga sulmi i DEASH-it në Irakun lindor është rritur në 15, sipas një burimi spitalor lokal, raporton Anadolu Agency (AA).
Militantët e DEASH-it kanë sulmuar fshatin Al-Rashad në provincën Diyala me snajper dhe mitralozë të martën në mbrëmje.
Burimi, i cili foli në kushte anonimiteti, tha se 13 persona të tjerë u plagosën në sulm.
Ministria irakiane e Mbrojtjes më herët tha se 11 persona janë vrarë në sulmin e DEASH-it.
Sulmuesit ishin larguar të padëmtuar nga vendi i ngjarjes.
Ndërkohë, kryeministri irakian, Mustafa al-Kadhimi, urdhëroi ushtrinë irakiane të rrisë mbledhjen e inteligjencës për të ndihmuar në shmangien e sulmeve të ngjashme.
Në muajt e fundit, terroristët e DEASH-it kanë përshkallëzuar sulmet e tyre, veçanërisht në zonën midis Kirkukut, Salahuddinit dhe Diyalas, i njohur si "Trekëndëshi i Vdekjes".