Një helikopter i ushtrisë iraniane u rrëzua sot në zonën Dorcheh të provincës Isfahan, ku humbën jetën katër persona, transmeton Anadolu.

Raportet fillestare thanë se helikopteri u rrëzua brenda kompleksit të një tregu me shumicë frutash dhe perimesh, raportoi agjencia gjysmëzyrtare e lajmeve Mehr e Iranit.

Helikopteri ishte në një mision stërvitjeje në kohën e rrëzimit, tha agjencia duke shtuar se piloti dhe bashkëpiloti humbën jetën së bashku me dy civilë që punonin në tezgat e tregut.

Shkaku i rrëzimit nuk është njoftuar ende zyrtarisht.