Rrëzohet avioni ambulancë në Indi, humbin jetën 7 personat në bord
"Avioni u rrëzua menjëherë pas ngritjes në shtetin Jharkhand", tha Drejtoria e Aviacionit Civil të Indisë
New Delhi
Një avion ambulancë u rrëzua të hënën në shtetin lindor indian Jharkhand, ku si pasojë humbë jetën 7 personat në bord, përfshirë 2 anëtarë të ekuipazhit, transmeton Anadolu.
Avioni humbi komunikimin menjëherë pas ngritjes nga kryeqyteti i shtetit Ranchi, thuhet në një deklaratë nga Drejtoria e Aviacionit Civil të Indisë në platformën e kompanisë amerikane të mediave sociale X.
Zyrtarët në Jharkhand thanë se rrëzimi ndodhi pranë Simaria-s në distriktin Chatra. Një zyrtar i policisë në Chatra tha për Anadolu se të 7 personat në bordin e avionit kanë humbur jetën.
Avioni kishte kërkuar një devijim për shkak të motit dhe komunikimit ndërsa kontakti me radarin humbi vetëm 23 minuta pas ngritjes.
Avioni u identifikua si një Beechcraft C90 i Redbird Airways Pvt Ltd. që po kryente evakuim mjekësor në kryeqytetin e Indisë, New Delhi.
Autoritetet kanë nisur një operacion për të gjetur avionin.
