Rreziku nga përmbytjet e rënda vazhdoi sot në Tyrnyayz, një qytet në rajonin Kabardino-Balkaria të Rusisë, pasi lumi Gerkhozhan-Su doli nga shtrati, raporton Anadolu.

Reshjet e dendur të shiut shkaktuan rrjedhën e baltës, e cila përshkoi kanalin e projektuar për kontrollin e përmbytjeve të lumit Gerkhozhan-Su, duke çuar në përmbytje të papritura urbane.

Autoritetet shpallën gjendje të jashtëzakonshme në rajonin Elbrus pasi rritja e nivelit të ujërave përbën kërcënim serioz për komunitetin përreth. Ekipet e emergjencës mbeten në gatishmëri të lartë.

Të paktën 342 banorë janë evakuuar nga shtëpitë e tyre për shkak të rreziqeve të vazhdueshme të përmbytjeve në Rusinë jugore.

Përmbytjet në Tyrnyauz janë një rrezik natyror i përsëritur, i shkaktuar kryesisht nga terreni malor i zonës, shkrirja e akullnajave dhe reshjet e dendura të shiut. Qyteti shtrihet në një luginë të ngushtë lumi, duke e bërë atë veçanërisht të prekshëm nga rrjedhjet e baltës, rrëshqitjet e tokës dhe përmbytjet e menjëhershme.