Përmbytjet dhe rrëshqitjet e tokës në Sumatrën Veriore të Indonezisë, humbin jetën 13 persona
Të paktën tre persona mbeten të zhdukur, ndërkohë shirat e rrëmbyeshëm dëmtuan qindra shtëpi dhe zhvendosën mijëra të tjerë
Ankara
Të paktën 13 persona kanë humbur jetën dhe tre të tjerë rezultojnë të zhdukur pas përmbytjeve dhe një serie rrëshqitjesh toke që goditën shtatë rrethe dhe qytete në provincën e Sumatrës Veriore të Indonezisë, thanë autoritetet lokale, transmeton Anadolu.
Një total prej 13 personash u konfirmuan të vdekur dhe 37 të plagosur që nga e shtuna, ndërsa tre persona janë ende të zhdukur, raportoi agjencia shtetërore e lajmeve Antara, duke cituar Wahyuni Pancasilawati, kreun e reagimit ndaj emergjencave, pajisjeve dhe logjistikës në Agjencinë Rajonale të Menaxhimit të Fatkeqësive të Sumatrës Veriore (BPBD).
Shumë rrëshqitje toke dhe përmbytje u raportuan në të gjithë provincën ditët e fundit, tha Wahyuni.
Sipas agjencisë, reshjet e dendura të shiut dhe përmbytjet dëmtuan gjithashtu 330 shtëpi dhe zhvendosën 2.244 persona në disa zona.
Në Malajzinë fqinje, autoritetet thanë se 21.834 persona janë zhvendosur nga përmbytjet e vazhdueshme në disa shtete veriore.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
