Presidenti rus, Vladimir Putin, ka nënshkruar një urdhër për përbërjen e delegacionit të vendit të tij, i cili nesër do të zhvillojë bisedime të drejtpërdrejta me Ukrainën në Stamboll, transmeton Anadolu.

Urdhri, i cili u njoftua nga Kremlini, thotë se delegacioni do të kryesohet nga ndihmësi presidencial, Vladimir Medinsky dhe do të përfshijë edhe zv/ministrin e Punëve të Jashtme, Mikhail Galuzin, kreun e Drejtorisë Kryesore të Inteligjencës së Shtabit të Përgjithshëm Rus, Igor Kostyukov dhe zv/ministrin e Mbrojtjes, Alexander Fomin.

Urdhri gjithashtu miratoi një përbërje të ekspertëve për negociatat.

“Ky urdhër do të hyjë në fuqi në datën e nënshkrimit të tij”, tha Kremlini.