Protesta në SHBA dhe Kanada kundër sulmeve ndaj Iranit dhe Gazës
- Demonstruesit bënë thirrje për një armëpushim të menjëhershëm dhe dënuan heshtjen ndërkombëtare ndaj krizave humanitare.
Shkup
SHKUP (AA) - Në disa qytete të SHBA-së dhe në Toronto të Kanadasë u mbajtën protesta kundër sulmeve ndaj Iranit dhe Gazës, raporton Anadolu.
Njerëz që mbanin pankarta dhe valëvitnin flamuj palestinezë dhe iranianë u mblodhën për të protestuar kundër sulmeve të vazhdueshme ndaj Gazës dhe Iranit.
Demonstruesit bënë thirrje për një armëpushim të menjëhershëm dhe dënuan heshtjen ndërkombëtare ndaj krizave humanitare.
- Konflikti që filloi me sulmet e dhunshme të Izraelit ndaj Iranit
Më 13 qershor, Izraeli nisi sulme në shkallë të gjerë duke synuar objektet bërthamore në qytete të ndryshme në Iran, si dhe komandën e lartë ushtarake.
Në Iran, Shefi i Shtabit të Përgjithshëm, Komandanti i Përgjithshëm i Korpusit të Gardës Revolucionare, disa komandantë të lartë dhe 9 shkencëtarë bërthamorë u vranë në sulme.
Ministria iraniane e Shëndetësisë njoftoi më 21 qershor se numri i përgjithshëm i viktimave civile në sulmet izraelite ishte 430 dhe numri i të plagosurve tejkaloi 3.500.
Zyra e Kryeministrit izraelit raportoi se 24 persona u vranë dhe 1.272 u plagosën në hakmarrjet e kryera nga ushtria iraniane.
Shumë vende, veçanërisht Turqia, dënuan sulmet e Izraelit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
