Presidenti i Turqisë, Recep Tayyip Erdoğan ndau një postim në lidhje me vizitën e tij në SHBA, të cilën ai e vizitoi me rastin e sesionit të 80-të të Asamblesë së Përgjithshme të OKB-së, transmeton Anadolu.

Në një postim në llogarinë e tij në "NSosyal", presidenti Erdoğan tha: "Përfunduam me sukses vizitën tonë në SHBA, të organizuar me rastin e sesionit të 80-të të Asamblesë së Përgjithshme të Kombeve të Bashkuara, me programe, kontakte dhe takime shumë produktive, dhe u kthyem në vendin tonë. Turqia do të vazhdojë të jetë zëri i ndërgjegjes në të gjithë botën".

Në postimin e tij, Erdoğan përfshiu gjithashtu një emoji të flamurit turk dhe një video që tregonte disa imazhe nga vizitat e tij në SHBA.