Presidenti i Turqisë, Recep Tayyip Erdogan nesër do të vizitojë Azerbajxhanin për të marrë pjesë në një ceremoni përkujtimore të Ditës së Fitores në Baku, transmeton Anadolu.

Drejtori i Komunikimit, Burhanettin Duran, në platformën turke të mediave sociale NSosyal tha se presidenti Erdogan do të marrë pjesë në ceremoni dhe pritet të zhvillojë takime me presidentin e Azerbajxhanit, Ilham Aliyev dhe kryeministrin pakistanez, Shehbaz Sharif, në kuadër të kësaj ngjarjeje.

Diskutimet pritet të mbulojnë marrëdhëniet dypalëshe si dhe zhvillimet rajonale dhe globale.