Shtatë palestinezë u plagosën sot nga të shtënat izraelite me armë në qytetin Tulkarem të Bregut Perëndimor të pushtuar, raporton Anadolu Agency (AA).

Sipas një burimi palestinez, ushtarët izraelitë hapën zjarr ndaj punëtorëve palestinezë duke u përpjekur të depërtojnë përmes një barriere të ngritur nga Izraeli në jug të Tulkarem-it.

Nuk ka asnjë koment nga autoritetet izraelite mbi këto informacione.

Izraeli ka ndaluar kalimin e punëtorëve palestinezë si pjesë e masave për të ndaluar përhapjen e koronavirusit.

Në vitin 2002, nën kryeministrin e atëhershëm Ariel Sharon, Izraeli ndërtoi një pengesë në tokën e okupuar palestineze. Palestinezët, nga ana e tyre, i referohen barrierës si "muri i aparteidit".