Shirat e rrëmbyeshëm kanë goditur ishujt Ibiza në Spanjë, duke shkaktuar alarm të kuq me përmbytje të gjera, me makina të përmbytura dhe rrugë të shndërruara në lumenj, raporton Anadolu.

Pamjet nga ishujt Ibiza tregojnë rrugë të përmbytura me baltë, derisa rryma të forta përshkojnë zonat e banuara duke prekur rëndë infrastrukturën publike.

Njësia Ushtarake e Emergjencave e Spanjës nisi operacione gjatë natës për të larguar ujërat e përmbytjeve pas reshjeve të dendura të shiut.

Tetorin e kaluar, shirat e rrëmbyeshëm në të njëjtin rajon shkaktuan një nga fatkeqësitë natyrore më vdekjeprurëse dhe më të kushtueshme në historinë e Spanjës, me rreth 232 persona që humbën jetën.

Spanja është përballur me ngjarje gjithnjë e më ekstreme të motit vitet e fundit, të cilat shkencëtarët i lidhin me ndryshimet klimatike.