Shefi i Departamentit për Lindjen e Mesme dhe Procesit të Paqes në Ministrinë e Punëve të Jashtme të Izraelit, Eliav Binyamin pretendon se Omani mund të jetë vendi i ardhshëm që do të normalizojë marrëdhëniet me Tel Avivin, transmeton Anadolu Agency (AA).

Në një intervistë për gazetarët në mediat sociale, Binyamin bëri vlerësime në lidhje me marrëveshjen e normalizimit të arritur nga Izraeli me Emiratet e Bashkuara Arabe (EBA), Bahreinin dhe Marokun.

I pyetur se cilat vende të tjera mund të normalizojnë marrëdhëniet me Izraelin, Binyamin tha: "Në thelb ne jemi duke u takuar me të gjitha vendet në Lindjen e Mesme dhe Afrikën e Veriut. Secili duhet të vendosë kur është koha e duhur për ta dhe si do të veprojnë. Ne po bisedojmë me të gjithë ata, përfshirë Omanin. Bashkëpunimi ynë vazhdon".

Emiratet e Bashkuara Arabe, Bahreini, Maroku dhe Sudani vitin e kaluar ranë dakord të normalizojnë marrëdhëniet me Izraelin.