Autoritetet libaneze thanë të dielën se numri i të vdekurve nga shembja e një ndërtese të vjetër banimi në qytetin verior të Tripolit është rritur në 9, raporton Anadolu.

Ndërtesa pesëkatëshe u shemb më herët gjatë ditës në lagjen Bab al-Tabbaneh të Tripolit. Operacionet e kërkim-shpëtimit po vazhdojnë në vendngjarje.

Imad Khreich, drejtor i përgjithshëm i Mbrojtjes Civile Libaneze, u tha gazetarëve se 15 persona janë nxjerrë nga rrënojat, përfshirë gjashtë që u shpëtuan të gjallë.

Ekipet e shpëtimit po përpiqen ende të arrijnë te rreth 8 persona që besohet se janë bllokuar nën rrënoja, sipas informacionit të marrë nga Anadolu.

Kryebashkiaku i Tripolit, Abdel Hamid Karimeh, tha më parë se 6 persona vdiqën dhe 7 të tjerë u plagosën në shembje.