Kuvajti ka njoftuar se një sulm me dronë goditi Aeroportin Ndërkombëtar të Kuvajtit, duke dëmtuar sistemin e tij të radarit, në mes të tensioneve në rritje në rajon të lidhura me Iranin, transmeton Anadolu.

Autoritetet thanë se disa dronë shënjestruan aeroportin, duke shkaktuar dëme të konsiderueshme në infrastrukturën e radarit, por nuk u raportuan viktima.

Zyrtarët thanë se ekipet e emergjencës dhe zjarrfikësit reaguan në vendngjarje, ku shpërtheu një zjarr në depot e karburantit pas sulmit.

Ushtria njoftoi se 15 dronë armiqësorë u identifikuan brenda një periudhe 24-orëshe, disa prej të cilëve synonin perimetrin e aeroportit.