Një burrë zbathur që mbante një flamur palestinez u ngjit në Kullën Elizabeth, ku ndodhet Big Beni, në Pallatin Westminster në Londër, raporton Anadolu.

Ai valëviti flamurin palestinez nga kulla, duke thirrur “Palestinë e lirë, e lirë”.

Shërbimet e urgjencës, përfshirë Policinë Metropolitane, Brigadën e Zjarrfikësve të Londrës dhe shërbimin e ambulancës, u përgjigjën menjëherë për të garantuar sigurinë publike.

Një turmë njerëzish u mblodhën në Sheshin e Parlamentit për të parë ngjarjen.

Incidenti çoi në mbylljen e rrugëve përreth, duke përfshirë Rrugën e Urës (Bridge Street) dhe pjesën veriore të Urës Westminster.

Më herët, aktivistët nga grupi “Palestine Action” shkruajtën “Gaza nuk është në shitje” në ish-fushën e golfit të presidentit amerikan Donald Trump, Turnberry në Skoci, duke thënë se veprimi ishte një përgjigje e drejtpërdrejtë ndaj planit të tij për të “marrë kontrollin” e Rripit të Gazës.