Bota

Një parti algjeriane bën thirrje për dërgimin e Francës në gjykata për krime koloniale

Lëvizja për Shoqërinë dhe Paqen tha se: "Nderimi i dëshmorëve kërkon padi (ndaj Francës) në nivel ndërkombëtar"

Ekip   | 18.10.2021
Një parti algjeriane bën thirrje për dërgimin e Francës në gjykata për krime koloniale

Algjer

Një parti politike në Algjeri të dielën bëri thirrje për ndjekjen penale të Francës në gjykatat ndërkombëtare për krimet që ajo kreu në Algjeri gjatë 132 viteve të sundimit të saj kolonial, transmeton Anadolu Agency (AA).

Në një deklaratë për 60-vjetorin e masakrës së policisë franceze të demonstruesve paqësorë algjerianë në Paris, duke kërkuar pavarësinë e vendit të tyre, Lëvizja për Shoqërinë dhe Paqen tha: "Nderimi i dëshmorëve kërkon padi (ndaj Francës) në nivel ndërkombëtar".

Më 17 tetor të vitit 1961 mbi 300 demonstrues paqësorë algjerianë u vranë nga policia franceze, shumë prej të cilëve u hodhën në lumin Seine.

Krimet e Francës përfshijnë masakrën e saj ndaj gati 4.000 besimtarëve muslimanë gjatë epokës koloniale, e cila u përfshi nga viti 1830 deri në vitin 1962.

Besimtarët u vranë derisa organizuan qëndrim me ulje në xhaminë osmane të quajtur Ketchaoua, në një përpjekje për ta ndaluar atë nga shndërrimi në kishë.

"Franca na kolonizoi për 132 vjet, gjatë të cilave ka pasur krime të tmerrshme që nuk mund të fshihen me fjalë të bukura", tha presidenti algjerian Abdelmadjid Tebboune në një intervistë televizive të dielën e kaluar.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın