Një turiste zvicerane ka humbur jetën dhe një tjetër është plagosur në një sulm peshkaqeni në Bregun Verior të Mesëm në Australi, transmeton Anadolu.

Policia e Uellsit të Ri Jugor tha se shërbimet e emergjencës u thirrën në mëngjes në plazhin Kylies pas raportimeve për dy persona të kafshuar nga një peshkaqen.

Gruaja e re, e cila ende nuk është identifikuar zyrtarisht, ndërroi jetë në vendngjarje.

Ndërkohë, një person 26-vjeçar u transportua me helikopter në spital në gjendje "serioze, por të qëndrueshme".

"Besohet se çifti ishin vizitorë nga Zvicra", tha policia, duke shtuar se plazhi mbetet i mbyllur.