Motra e udhëheqësit të Koresë së Veriut: SHBA-ja ka pritjet e gabuara nga negociatat
Në një deklaratë me shkrim, Yo Jong komentoi pretendimet e zyrtarëve amerikanë se ata presin një përgjigje pozitive nga Koreja e Veriut në lidhje me thirrjen për dialog
Ankara
Kim Yo Jong, motra e udhëheqësit të Koresë së Veriut, Kim Yong-un, tha se pritjet nga negociatat do t'i çonin Shtetet e Bashkuara të Amerikës (SHBA) në zhgënjim, raporton Anadolu Agency (AA).
Në një deklaratë me shkrim, Yo Jong komentoi pretendimet e zyrtarëve amerikanë se ata presin një përgjigje pozitive nga Koreja e Veriut në lidhje me thirrjen për dialog.
Ajo tha se porositë nga Koreja e Veriut janë keqkuptuar.
"Një fjalë e urtë e vjetër koreane thotë se gjëja më e rëndësishme për një ëndërr nuk është të ëndërrosh, por ta interpretosh mirë. SHBA-ja duket se interpreton gjithçka në një mënyrë për të ngushëlluar veten", tha Yo Jong.
Javën e kaluar, udhëheqësi i Koresë së Veriut tha se vendi duhet të përgatitet edhe për dialogun dhe për konfrontimin me SHBA-në. Këshilltari i Sigurisë Kombëtare të SHBA-ve Jake Sullivan tha se është një sinjal interesant për negociatat.