Ministria e Shëndetësisë në Gaza: Në Spitalin Indonezian ende ndodhen rreth 2.600 persona
Zëdhënësi i Ministrisë së Shëndetësisë në Gaza, Ashraf al-Qudra, tha se "400 të plagosur dhe shoqëruesit e tyre janë ende në Spitalin Indonezian, si dhe 200 pjesëtarë të personelit mjekësor dhe rreth 2 mijë persona të zhvendosur"

Gaza
Zëdhënësi i Ministrisë së Shëndetësisë në Gaza, Ashraf al-Qudra, tha se të paktën 2.600 persona, përfshirë pacientë, civilë të zhvendosur dhe staf mjekësor, ndodhen ende brenda Spitalit Indonezian të rrethuar në Gaza, raporton Anadolu.
Në një deklaratë, Ashraf al-Qudra tha se "400 të plagosur dhe shoqëruesit e tyre janë ende në Spitalin Indonezian, si dhe 200 pjesëtarë të personelit mjekësor dhe rreth 2 mijë persona të zhvendosur".
Al-Qudra tha gjithashtu se në Spitalin Al-Shifa ende ndodhen 259 persona të plagosur, disa civilë dhe personel mjekësor.
Zëdhënësi shtoi se nuk ka ende një datë të caktuar për evakuimin e personave nga Spitali Al-Shifa, i cili është nën kontrollin e plotë të Izraelit.
Al-Qudra konfirmoi se të gjitha spitalet në qytetin e Gazës dhe zonat veriore të Rripit të Gazës janë jashtë shërbimit nga sulmet e vazhdueshme izraelite kundër Gazës.
Ai shtoi se një delegacion nga Organizata Botërore e Shëndetësisë vizitoi Spitalin Al-Shifa ditët e fundit për të koordinuar evakuimin e atyre njerëzve që janë ende brenda spitalit.
Izraeli ka nisur sulme të pamëshirshme ajrore dhe tokësore në Rripin e Gazës, duke përfshirë spitalet, rezidencat dhe shtëpitë e adhurimit, që nga sulmi ndërkufitar nga grupi i rezistencës palestineze Hamas më 7 tetor.
Të paktën 13.300 palestinezë janë vrarë, duke përfshirë 5.650 fëmijë dhe 3.550 gra.
Sipas shifrave zyrtare, numri i izraelitëve të vdekurve është gati 1.200.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.