Ministri italian i Mbrojtjes, Guido Crosetto, ka deklaruar se përparësia e Romës është t’i ofrojë Ukrainës garanci të forca të sigurisë sipas një kornize të stilit të NATO-s, si dhe ka theksuar se mekanizmi i parandalimit është mënyra “më e besueshme” për të sigurua paqen pa përshkallëzuar konfliktin, transmeton Anadolu.

Crosetto për La Repubblica theksoi se pas samitit të fundit në Washingon propozimi i kryeministres Giorgia Meloni për një garanci të tipit të Nenit 5 ka fituar mbështetje nga aleatët.

"Vija është të garantohet siguria e Ukrainës. Nuk ishte një angazhim i dukshëm, veçanërisht nga ana e SHBA-së. Tani ideja e Melonit për një mekanizëm të bazuar në Nenin 5 po fiton gjithnjë e më shumë terren", tha ai.

Crosetto theksoi se plani do të zgjeronte ombrellën mbrojtëse të NATO-s në Ukrainë pa kërkuar anëtarësim të plotë të vendit në aleancën ushtarake.

“Është një angazhim sigurie që kombet do të merrnin përsipër. Me NATO-n, si një aleancë mbrojtëse, ju do të siguronit mbrojtje ajrore, detare dhe tokësore. Me NATO-n, ne do të garantonim një frenim superior”, tha ai.

Ai theksoi se frenimi mbetet themeli i paqes, duke shtuar se “paqja pothuajse gjithmonë bazohet në parimin e frenimit, nuk sulmon sepse e di që nuk do të fitosh”.

Ai hodhi poshtë idenë se Ukraina duhet të lëshojë pjesë të rajonit të Donbasit në një marrëveshje të mundshme të paqes.

“Mendoj se do të ishte e pamundur për Ukrainën ta bënte këtë. Sepse ajo vijë e frontit është mbrojtja e parë e vendit nga sulmi rus. Është plot me fortifikime, njerëzit më të mirë janë përqendruar atje. Të heqësh dorë prej saj do të thoshte të sakrifikosh mbrojtjen e tyre të ardhshme”, argumentoi ai.

Crosetto gjithashtu iu referua kufizimeve ushtarake të Rusisë, duke theksuar se Moska e ka kuptuar se nuk mund ta pushtojë të gjithë Donbasin.

“Nëse do të donin ta arrinin këtë me luftë, do të duheshin përpjekje të mëdha ushtarake, prodhim dhe sakrifica njerëzore. Do të duheshin vite. Kjo është arsyeja pse ata po thonë na jepni Donbasin, ne heqim dorë nga pjesa tjetër. Por edhe kjo do të binte ndesh me kushtetutën e tyre”, tha ai.

Duke iu referuar propozimit për dërgimin e trupave evropiane, Crosetto tha se Roma nuk e sheh atë si rrugën e duhur. Ai këmbënguli se Italia do ta mbajë qëndrimin e saj në përputhje me qasjen e Melonit.

“Sot, propozimi me peshën më të madhe është ai i Melonit. Garancitë e sigurisë për Ukrainën duhet të vijnë të parat”, shtoi ai.