Ministri i Jashtëm i Turqisë, Hakan Fidan u takua në Moskë me Vladimir Medinskyn, kreun e delegacionit rus për bisedimet e paqes në Stamboll dhe ndihmës presidencial i presidentit rus Vladimir Putin, transmeton Anadolu.

Në një postim të Ministrisë Jashtme në X thuhet se Fidan u takua në Moskë me Medinskyn, i cili kryesoi delegacionin rus në negociatat në Stamboll.

Medinsky kryesoi delegacionin rus në bisedimet e paqes në Pallatin Dolmabahçe në Stamboll më 16 maj, ku Rusia dhe Ukraina rifilluan bisedimet e drejtpërdrejta të paqes pas një ndërprerjeje prej më shumë se tre vitesh. Gjatë takimit, të dyja palët ranë dakord të shkëmbenin nga 1.000 të burgosur dhe të fillonin hartimin e një dokumenti që përshkruan kushtet për armëpushim të mundshëm në luftën më shumë se 3 vjeçare.