Kuala Lumpur
Udhëheqësja "de facto" e Mianmarit, Aung San Suu Kyi, e cili u arrestua pasi junta mori pushtetin më 1 shkurt, u akuzua dje në një gjykatë ushtarake për shkelje të ligjit të sekreteve zyrtare të vendit, transmeton Anadolu Agency (AA).
Avokati i Suu Kyi, Khin Maung Zaw njoftoi lajmin ndërsa fliste me gazetarët pas seancës në Yangon.
Ligji ndalon zotërimin, publikimin ose ndarjen e informacioneve në pronësi të shtetit nga të cilat mund të përfitojnë armiqtë e vendit.
Suu Kyi foli me avokatin e saj për herë të parë përmes telekonferencës të mërkurën dhe njoftoi se ishte mirë me shëndet.
Gjykata ushtarake akuzoi Suu Kyi për ryshfet më 18 mars, duke pretenduar se ajo pranoi ryshfet prej 550 mijë dollarësh nga menaxheri i një kompanie ndërtimi në vitin 2018.
Në seancat e mëparshme ajo u akuzua për shkelje të ligjeve të vendit për importin dhe eksportin si dhe për dështim në përputhje me Ligjin Kombëtar të Menaxhimit të Fatkeqësive dhe përvetësimit.
Më 1 shkurt, ushtria e Mianmarit rrëzoi qeverinë e zgjedhur të Aung San Suu Kyi. Në përgjigje të grushtit të shtetit, grupet civile në të gjithë vendin filluan një fushatë të mosbindjes civile me demonstrata masive dhe protesta.
Mbi 500 demonstrues e kanë humbur jetën në ndërhyrjet e armatosura nga forcat e sigurisë.
Ndërsa po vazhdojnë demonstrata në shkallë të gjerë në vend, zyrtarët e lartë të qeverisë në paraburgim vazhdojnë të gjykohen në një gjykatë ushtarake.
