Bota

Mes Turqisë dhe BE-së vazhdojnë bisedimet mbi marrëveshjen për emigrantët

"Bisedimet dhe vlerësimet BE-Turqi lidhur me marrëveshjen për emigrantët vazhdojnë", informoi Stano

Şerife Çetin  | 27.03.2020 - Përdıtësım : 28.03.2020
Mes Turqisë dhe BE-së vazhdojnë bisedimet mbi marrëveshjen për emigrantët

Bruksel

Zëdhënësi i Komisionit Evropian, Peter Stano, njoftoi se mes Turqisë dhe BE-së vazhdojnë bisedimet lidhur me marrëveshjen e 18 marsit të vitit 2016 për emigrantët, transmeton Anadolu Agency (AA).

Në një konferencë për shtyp në rrjetin social, Stano iu përgjigj një pyetjeje lidhur me zhvillimet e fundit për marrëveshjen.

Ai theksoi se përfaqësuesi i Lartë i Marrëdhënieve të Jashtme dhe Politikave të Sigurisë të Bashkimit Evropian (BE) dhe nënkryetari i Komisionit të BE-së, Josep Borrell, ka dhënë informacion lidhur me çështjen në takimin e liderëve të zhvilluar mbrëmë nëpërmjet video konferencës. "Bisedimet dhe vlerësimet BE-Turqi lidhur me marrëveshjen për emigrantët vazhdojnë", informoi Stano.

Ndër të tjera Stano shtoi se Borrell gjithashtu vazhdon rregullisht kontaktin me ministrin e Jashtëm të Turqisë Mevlüt Çavuşoğlu dhe se po kryhen punime në nivel ekspertësh.

Presidenti Recep Tayyip Erdoğan, më 10 mars të këtij viti, në kuadrin e një ftese nga presidenti i Këshillit Evropian, Charles Michel zhvilloi një vizitë në Bruksel ku dhe bisedoi mbi situatën e refugjatëve me Michel dhe Presidenten e Komisionit Evropian (KE), Ursula von der Leyen.

Pala e BE-së, pas takimit njoftoi se do të fillonin bisedimet e nivelit të lartë lidhur me se si të eliminohen mangësitë për marrëveshjen e 18 marsit mes Turqisë dhe BE-së.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın