Mbreti i Spanjës, Felipe VI ka pranuar se janë kryer "abuzime" gjatë pushtimit spanjoll të Meksikës, komente që kanë nxitur debat të ri mbi të kaluarën koloniale të vendit, transmeton Anadolu.

Duke folur të hënën në Muzeun Kombëtar Arkeologjik në Madrid në një ekspozitë për gratë indigjene, pas raportimit të medias spanjolle "El Pais", Felipe tha se ka patur "shumë abuzime" gjatë pushtimit të territoreve që më vonë u bënë Meksikë.

"Ka gjëra që kur i studiojmë me kriteret e sotme, nuk mund të na bëjnë krenarë", ka thënë ai në praninë e ambasadorit meksikan në Spanjë, Quirino Ordaz.

Këto komente shënojnë herën e parë që një monark spanjoll pranon publikisht abuzimet e lidhura me epokën koloniale, një çështje që ka tensionuar marrëdhëniet mes Madridit dhe Meksikës vitet e fundit.