Më shumë se 8.400 persona janë prekur nga dy tërmetet e forta që goditën rajonin jugor të Filipineve me disa orë diferencë gjatë ditës së djeshme, transmeton Anadolu.

Këshilli Kombëtar i Menaxhimit të Reduktimit të Rrezikut nga Fatkeqësitë raportoi se evakuime paraprake u kryen për 1.265 banorë, ndërsa 7.915 persona aktualisht janë zhvendosur.

Të paktën tetë persona u raportuar të vdekur.

Një tërmet i dytë i fortë me një magnitudë 6.7 goditi Filipinet pranë rajonit jugor Mindanao vetëm disa orë pasi një tërmet me magnitudë 7.4 goditi të njëjtin vend, duke shkaktuar një paralajmërim për cunami, i cili më vonë u anulua dhe nxiti evakuime bregdetare.

Ndërkohë, nuk ka pasur një vlerësim të plotë të dëmeve në infrastrukturë dhe bujqësi, një total prej 33 shtëpish u dëmtuan për shkak të lëkundjeve.

Një total prej 792 lëkundjesh pasuese gjithashtu janë regjistruar deri në mëngjesin e sotëm pas tërmeteve.