Bota

Mbi 19 milionë indonezianë marrin rrugën e Bajramit në familje

Fluksi masiv i udhëtarëve i njohur si “Mudik” (kthimi në shtëpi), është bërë një traditë e muslimanëve indonezianë

Ekip   | 23.06.2017
Mbi 19 milionë indonezianë marrin rrugën e Bajramit në familje

Tuban

TUBAN (AA) – Mbi 19 milionë indonezianë do të marrin rrugë përmes udhëtimit tokësor, detar dhe ajror për tek familjet e tyre për të festuar bashkë të dielën festën e Fitër Bajramit, raporton Anadolu Agency (AA).

Fluksi masiv i udhëtarëve i njohur si “Mudik” (kthimi në shtëpi), është bërë një traditë e muslimanëve indonezianë. Njerëzit nisin udhëtime të rraskapitura, orë të gjata për t'u ribashkuar me familjet e tyre.

Zëdhënësi i Ndërmarrjes Shtetërore të Hekurudhave, tha për AA të premten se turmat e mëdha të njerëzve në stacionin qendror hekurudhor në Xhakarta kanë filluar të mblidhen që javën e kaluar.

Zëdhënësi i policisë, Setyo Wasisto tha se kulminacioni i prezencës së madhe nga vala e njerëzve të cilët udhëtojnë te familjet e tyre është dy ditë para Bajramit.

Ai i paralajmëroi banorët të mos presin shumë afër festës: "Mos shkoni në shtëpi në prag të Bajramit sepse parashikohet që numri i automjeteve në rrugë do të jetë shumë i madh", tha ai.

Dymbëdhjetë persona humbën jetën vitin e kaluar si pasojë e bllokimit treditor në trafik.

Ministri për Transport, Budi Karya Sumadi, tha se pritjet e tyre janë që numri i udhëtarëve këtë vit të rritet për pesë për qind krahasuar me vitin e kaluar.

Ministria për Çështjet Fetare do të njoftojë festën të shtunën në varësi nga shikimi i hënës, në përputhje me kalendarin hënor islamik.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın