Ministria e Mbrojtjes së Libanit të enjten i bëri thirrje OKB-së për të vepruar urgjentisht për t'i dhënë fund shkeljeve të hapësirës ajrore të vendit nga avionët luftarakë izraelitë, raporton Anadolu Agency (AA).

Në një deklaratë, Ministrja e Mbrojtjes, Zeina Akar tha se shkeljet e përditshme nga avionët luftarakë izraelitë kanë vazhduar dhe i kërkoi OKB-së të ndalonte ato.

Ushtria libaneze herë pas here njofton se avionët luftarakë dhe zbulimit të Izraelit shkelin hapësirën e saj ajrore dhe se anijet izraelite shkelin ujërat e saj territoriale, por që nga fillimi i javës, avionët izraelitë kanë fluturuar pothuajse çdo ditë në hapësirën ajrore të Libanit.