Bota

Lavrov: Në lidhje me Idlibin janë duke u bërë përgatitje për negociata

"Për momentin, janë duke u bërë përgatitje për një sërë negociatash të reja në lidhje me Idlibin. Këto negociata, shpresojmë që, do të na mundësojë të arrijmë në qëllimin për ta bërë Idlibin një zonë deeskalimi të vërtetë", u shpreh Lavrov

Dmitri Chirciu, Ali Cura  | 24.02.2020 - Përdıtësım : 25.02.2020
Lavrov: Në lidhje me Idlibin janë duke u bërë përgatitje për negociata

Moskē

Ministri i Jashtëm i Rusisë, Sergey Lavrov, tha se janë duke u bërë përgatitje për të zhvilluar një sërë negociatash të reja mes Turqisë dhe Rusisë në lidhje me Idlibin, raporton Anadolu Agency (AA).

Lavrov, pas takimit me homologun e tij nga Taxhikistani, Sirodjidin Mukhriddin, në Moskë, dha deklarata në konferencën e përbashkët për media në lidhje me situatën në Idlib.

Në marrëveshjen e nënshkruar mes liderëve rus dhe turk, tha ai, se askush nuk do të mbetet indiferentë ndaj veprimtarisë së terroristëve. "Ushtarët turq që gjenden në fushë shohin gjithçka shumë mirë dhe kuptojnë", tha ai.

Ai rikujtoi se delegacionet turke dhe ruse më parë në Ankara dhe Moskë kanë zhvilluar takime në lidhje me Idlibin.

"Për momentin, janë duke u bërë përgatitje për një sërë negociatash të reja në lidhje me Idlibin. Këto negociata, shpresojmë që, do të na mundësojë të arrijmë në qëllimin për ta bërë Idlibin një zonë deeskalimi të vërtetë", u shpreh Lavrov.

Kryediplomati rus, duke tërhequr vëmendjen se SHBA-të kanë deklaruar gatishmërinë për të krijuar dialog me Frontin Nusra dhe Hayat Tahrir al-Sham, tha se "Nuk i dëgjojmë për herë të parë këto deklarata dhe i shohim si të papranueshme".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın