Kryetari i Parlamentit të Iranit, Mohammad Bagher Qalibaf paralajmëroi sot se çdo sulm amerikan ndaj ishujve iranianë do t’i japë fund "çdo përmbajtjeje", transmeton Anadolu.

Në një postim në rrjetin social amerikan X, Qalibaf tha se Teherani do të përgjigjet me forcë ndaj çdo sulmi që synon territorin iranian.

"Atdheu ose Vdekja!", shkroi ai duke paralajmëruar se "çdo agresion ndaj tokës së ishujve iranianë do të shkatërrojë çdo përmbajtje".

"Ne do të heqim dorë nga çdo përmbajtje dhe do ta bëjmë Gjirin Persik të rrjedhë me gjakun e pushtuesve", kërcënoi ai.

Qalibaf gjithashtu paralajmëroi se "gjaku i ushtarëve amerikanë është përgjegjësi personale e Donald Trumpit".

Paralajmërimi vjen ndërsa sulmet ajrore të SHBA-së dhe Izraelit ndaj Iranit, të nisura më 28 shkurt, kanë vrarë rreth 1.300 persona dhe kanë plagosur më shumë se 10 mijë të tjerë.

Irani është kundërpërgjigjur me sulme me dronë dhe raketa që kanë shënjestruar Izraelin, Irakun dhe vendet e Gjirit që strehojnë baza ushtarake amerikane.