Kryeministri Mickoski pritet në takim në Istanbul nga presidenti Erdoğan

Kryeministri i Maqedonisë së Veriut, Hristijan Mickoski, i cili po qëndron për vizitë në Türkiye, është pritur në takim nga presidenti turk, Recep Tayyip Erdoğan, në zyrën presidenciale në Dolmabahçe, raporton Anadolu.

Në takim të pranishëm ishin edhe ministri i Punëve të Jashtme të Türkiyes, Hakan Fidan, ministri i Mjedisit, Urbanizimit dhe Ndryshimeve Klimatike i Türkiyes, Murat Kurum, kreu i Drejtorisë së Komunikimeve pranë Presidencës së Türkiyes, Fahrettin Altun dhe kryekëshilltari i presidentit për Politikën e Jashtme dhe Sigurinë, Akif Çağatay Kılıç.