LONDËR (AA) - Kryeministri britanik Keir Starmer u takua me presidentin ukrainas Volodymyr Zelenskyy përpara takimit që do të mbahet nesër midis presidentit të SHBA-së, Donald Trump dhe presidentit rus Vladimir Putin, transmeton Anadolu.

Në një deklaratë nga një zëdhënës i Zyrës së Kryeministrit, Starmer e priti Zelenskyy-n në zyrën e tij në Londër mëngjesin e sotëm. Dy udhëheqësit u takuan ku diskutuan për bisedimet e zhvilluara dje në Gjermani.

Gjatë takimit, udhëheqësit theksuan angazhimin e tyre të përbashkët për një ndjenjë të fortë uniteti dhe vendosmërie për të arritur paqe të drejtë dhe të qëndrueshme në Ukrainë.

Starmer dhe Zelenskyy diskutuan gjithashtu takimin që Trump dhe Putin do të zhvillojnë nesër në Alaskë.

Të dy udhëheqësit ndanë mendimin se ky takim ishte mundësi e përshtatshme për të bërë përparim në procesin e përpjekjeve të Putinit për të demonstruar seriozitetin e tij për paqe.

Zelenskyy dje mori pjesë në takimin online për Ukrainën të organizuar nga Gjermania.

Trump dhe Putin pritet të diskutojnë nesër në shtetin e Alaskës të SHBA-së për çështjen e Ukrainës.