Kryeministri i Armenisë, Nikol Pashinyan deklaroi se beson që kufijtë me Turqinë do të hapen dhe se ata po zhvillojnë negociata të drejtpërdrejta në këtë drejtim, transmeton Anadolu.

Pashinyan vlerësoi marrëdhëniet Turqi-Armeni në një deklaratë për media në kryeqytetin, Jerevan.

Ai shtoi se po zhvillojnë negociata të drejtpërdrejta me Turqinë. "Kufijtë e Armenisë mund të hapen jo vetëm përmes Turqisë, por edhe nga drejtime të ndryshme. Unë besoj se kufiri Armeni-Turqi do të hapet", tha Pashinyan.

Kryeministri armen theksoi se ata janë të gatshëm për çdo thjeshtësim në të gjitha pikat kufitare, përfshirë pikat kufitare Armeni-Azerbajxhan.

- Armenia nuk do të rrisë shpenzimet e mbrojtjes

Pashinyan deklaroi se qeveria armene nuk planifikon të rrisë në masë të rëndësishme shpenzimet e mbrojtjes në buxhetin e shtetit për vitin 2026.

Ai tha se e konsideron të logjikshëm vendimin e ekipit të tij ndërsa do të vazhdojnë të analizojnë procesin dhe se vendimet do të formësohen sipas zhvillimeve afatshkurtra, afatmesme dhe afatgjata.