Kryediplomati turk zhvillon biseda telefonike me homologët pas sulmeve SHBA-Izrael ndaj Iranit
Gjatë bisedimeve, kryediplomatët diskutuan zhvillimet e fundit në rajon, si dhe hapat e mundshëm që mund të ndërmerren për t’i dhënë fund sulmeve
Ankara
Ministri i Punëve të Jashtme i Turqisë, Hakan Fidan, ka zhvilluar biseda të ndara telefonike me homologët e tij nga Irani, Iraku, Arabia Saudite, Egjipti dhe Indonezia pas sulmeve të SHBA-së dhe Izraelit ndaj Iranit, transmeton Anadolu.
Sipas burimeve nga Ministria e Punëve të Jashtme e Turqisë, Fidan zhvilloi bisedime të ndara me kryediplomatin iranian Abbas Araghchi, atë irakian Fuad Hussein, atë egjiptian Badr Abdelatty dhe atë indonezian Sugiono.
Gjatë bisedimeve, kryediplomatët diskutuan zhvillimet e fundit në rajon, si dhe hapat e mundshëm që mund të ndërmerren për t’i dhënë fund sulmeve.
Sot herët, Izraeli dhe SHBA nisën një sulm ndaj Iranit, duke përmendur kërcënime të pretenduara nga autoritetet iraniane. Video deklarata u publikuan nga presidenti amerikan, Donald Trump dhe kryeministri izraelit, Benjamin Netanyahu.
Sulmet ndodhën ndërkohë që bisedimet mes Washingtonit dhe Teheranit për programin bërthamor të Iranit ishin në vazhdim nën ndërmjetësimin e Omanit. Raundi i fundit i bisedimeve në Gjenevë përfundoi të enjten.
Izraeli gjithashtu nisi një luftë 12-ditore ndaj Iranit qershorin e kaluar, me SHBA-në që iu bashkua më vonë dhe bombardoi tre objekte bërthamore iraniane.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
