Kreu i Hezbollahut: Rezervojmë të drejtën për t'u kundërpërgjigjur për vrasjen e komandantit të lartë nga Izraeli
“Ajo që ndodhi është sulm i hapur dhe krim i qëllimshëm dhe ne kemi të drejtë të përgjigjemi – kohën do ta përcaktojmë vetë”, tha Naim Qassem
Stamboll
Sekretari i Përgjithshëm i Hezbollahut, Naim Qassem, e dënoi vrasjen e komandantit të lartë Haitham Ali al-Tabtabai nga Izraeli, duke e quajtur atë “krim të qëllimshëm” dhe duke theksuar se grupi rezervon të drejtën për t’u kundërpërgjigjur në kohën që vetë do të zgjedhë, transmeton Anadolu.
Këto komente shënuan reagimin e parë publik të Qassemit pasi Izraeli njoftoi të dielën se kishte vrarë Tabtabain, shefin e shtabit të Hezbollahut, në një sulm ajror në periferinë jugore të Bejrutit.
Duke folur në një ceremoni përkujtimore për komandantin e vrarë, Qassem përsëriti se “ajo që ndodhi është sulm i hapur dhe krim i qëllimshëm dhe ne kemi të drejtë të përgjigjemi – kohën do ta përcaktojmë vetë”.
Sulmi i së dielës në periferinë jugore la pesë të vdekur dhe 25 të plagosur. Hezbollahu konfirmoi vdekjen e Tabtabait në sulm.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
