Kostas Tasoulas zgjidhet kryetar i Parlamentit të Greqisë
Zgjedhjet parlamentare në Greqi u mbajtën më 7 korrik, ndërsa dje zyrtarisht në detyrë hyri përbërja e re e Parlamentit të këtij vendi, që gjithsej numëron 300 vende deputeti
Athinë
Politikani konservator Kostas Tasoulas është zgjedhur për kryetar të Parlamentit në Greqi, raporton Anadolu Agency (AA).
Zgjedhjet parlamentare në Greqi u mbajtën më 7 korrik, ndërsa dje zyrtarisht në detyrë hyri përbërja e re e Parlamentit të këtij vendi, që gjithsej numëron 300 vende deputeti.
Kandidati i Demokracisë së Re në pushtet është zgjedhur me 283 vota “pro”.
Emërimin e Tasoulas e mbështetën edhe deputetët opozitarë, përfshirë edhe Syriza majtiste, andaj në këtë post u emërua me vota rekord.
Tasoulas është një jurist 60 vjeçar. Deputet në Parlamentin grek është tashmë dy dekada, ndërsa më herët ka ushtruar edhe postin e ministrit të Kulturës.
Në adresimin para deputetëve tha se në mënyrë aktive dhe të drejtë do të ushtrojë postin.
Pritet që ndër hapat e para që do të ndërmarrë Tasoulas mund të jetë ndalesa e pirjes së duhanit në kompleksin e Parlamentit grek.
