Njoftohet se 12 persona humbën jetën në një shpërthim që u shënua në një dyqan fishekzjarrësh në provincën qendrore Hubei të Kinës të mërkurën, transmeton Anadolu.

Sipas raportimit nga agjencia shtetërore e lajmeve Xinhua, e cila citon autoritetet lokale, shpërthimi ndodhi rreth orës 14:00 në qytezën Zhengji të qytetit Xiangyang.

Shpërthimi dhe zjarri pasues preku një sipërfaqe prej rreth 50 metrash katrorë, thekson raporti.

Ekipet e ndihmës së shpejtë e vunë zjarrin nën kontroll rreth orës 15:30 pas mbërritjes në vendin e ngjarjes.

Dymbëdhjetë trupa u nxorën nga vendi i ngjarjes.

Bëhet e ditur se shkaku i shpërthimit është nën hetim.