Bota

Kancelarja gjermane Merkel mbërrin në Izrael për vizitë lamtumirëse

Në kuadër të vizitës, Merkel do të takohet me presidentin izraelit Isaac Herzog, kryeministrin Naftali Bennett dhe ministrin e Jashtëm Yair Lapid

Mustafa Deveci   | 10.10.2021
Kancelarja gjermane Merkel mbërrin në Izrael për vizitë lamtumirëse

Kuds

Kancelarja gjermane Angela Merkel, mandati i së cilës do të përfundojë, mbërriti në Izrael në kuadër të një vizite lamtumirëse, transmeton Anadolu Agency (AA).

Merkel u prit në aeroportin "Ben Gurion" në afërsi të Tel Avivit nga zyrtarë të Ministrisë së Jashtme izraelite.

Në kuadër të vizitës, Merkel do të takohet me presidentin izraelit Isaac Herzog, kryeministrin Naftali Bennett dhe ministrin e Jashtëm Yair Lapid.

Ajo do të takohet edhe me kabinetin izraelit dhe do të marrë pjesë në darkën e organizuar në nder të saj nga kryeministri Bennett.

Shtypi izraelit ka shkruar se në vizitën e saj, Merkel nuk do të takohet me ish-kryeministrin dhe liderin e opozitës kryesore, Benjamin Netanyahu.

Vizita e lamtumirës së Merkelit në Izrael ishte planifikuar më 28-29 gusht por vizita ishte anuluar për shkak të zhvillimeve në Afganistan në atë periudhë.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın