Jordania dënon Izraelin për shkeljet në xhaminë Al-Aksa
Jordania dënoi bastisjen dhe veprimet provokuese të kryera nga hebrenjtë fanatikë të ekstremit të djathtë në xhaminë Al-Aksa
Aman
Jordania dënoi bastisjen dhe veprimet provokuese të kryera nga hebrenjtë fanatikë të ekstremit të djathtë në xhaminë Al-Aksa, transmeton Anadolu.
Në një deklaratë nga Ministria e Punëve të Jashtme e Jordanisë thuhet se këto shkelje, shkelin në mënyrë të hapur ligjin ndërkombëtar dhe statusin e Kudsit.
Ministria i bën thirrje Izraelit me emërtimin si një fuqi pushtuese që "të ndërpresë menjëherë dhe t'u japë fund të gjitha praktikave të saj të papërgjegjshme" dhe tërhoqi vëmendjen për faktin se e gjithë xhamia Al-Aksa me sipërfaqen e saj prej 144 hektarësh, është vend adhurimi që u përket vetëm muslimanëve.
Sipas një deklarate nga Administrata e Vakëfeve Islame të Kudsit thuhet se 985 hebrenj fanatikë kanë bastisur Al-Aksanë që nga orët e mëngjesit.
Hebrenjtë bënë thirrje për të prerë kurbane në Al-Aksa dhe për të lyer me gjakun e kafshës së bërë kurban xhaminë Al-Aksa. Ata u përpoqën të fusin brenda në Kupolën e Shkëmbit mishin e kafshës së gjakosur të sapo prerë të cilin e kishin vendosur në një qese plastike.
Hebrenjtë fanatikë bastisën xhaminë Al-Aksa gjatë festës së "Pashkës" (Pesah), e cila filloi në mbrëmjen e 12 prillit dhe zgjati deri më 20 prill dhe u përpoqën të fusin kafshë kontrabandë në qese plastike për kurban.
Bastisjet e hebrenjve fanatikë në xhaminë Al-Aksa në Kudsin Lindor të pushtuar janë shtuar kohët e fundit ndërsa gjenocidi i Izraelit në Gaza ka kaluar muajin e 20-të.
Ministrat e ekstremit të djathtë që kanë marrë pozicione kritike në koalicionin e udhëhequr nga kryeministri Benjamin Netanyahu deklarojnë hapur se "hebrenjtë duhet të kryejnë adhurime në xhaminë Al-Aksa dhe se një tempull hebre duhet të ndërtohet në vend të saj".
Ministri i Financave i ekstremit të djathtë i Izraelit, Bezalel Smotrich ka thënë se ai "dëshiron që një tempull të ndërtohet në vendin e xhamisë Al-Aksa dhe se ai do të mbulojë buxhetin".
Zvi Sukkot, një deputet i ekstremit të djathtë nga "Hebraic Power", ka ndarë imazhe të tij duke ecur rreth xhamisë Al-Aksa me një flamur izraelit dhe duke thënë se "Xhamia Al-Aksa është në duart tona".
