Kompania ajrore "Jazeera Airways" e Kuvajtit ka rinisur fluturimet direkte për në Siri pas një pezullimi 13-vjeçar, transmeton Anadolu.

Sipas agjencisë shtetërore të lajmeve SANA, fluturimi i parë nga linja ajrore kuvajtiane u ul në aeroportin ndërkombëtar të Damaskut të mërkurën.

Linja ajrore tha se fluturimet fillimisht do të operojnë një herë në ditë, me plane "për t'u rritur në dy fluturime ditore para fundit të verës", raportoi agjencia shtetërore e lajmeve SANA.

Ky veprim vjen mes përpjekjeve më të gjera rajonale për të riintegruar Sirinë në rrjetet e udhëtimit ajror, me pritjet për rritje të aktivitetit ekonomik dhe turistik.

Bashar al-Assad, udhëheqësi i Sirisë për gati 25 vjet, iku në Rusi në dhjetor, duke i dhënë fund regjimit të Partisë Baath, e cila kishte qenë në pushtet që nga viti 1963.

Një administratë e re kalimtare e udhëhequr nga presidenti Ahmad al-Sharaa u formua në Siri në janar.